GERÐU ÞITT VERSTA

Stutt lýsing

Leikur til að fá ungmennin til að velta fyrir sér áhrifum þess að hlutlausir áhorfendur grípi inn í, hvernig þeir gætu breytt aðstæðum tengdum hatursorðræðu til hins betra eða verra með viðbrögðum sínum.

Markmið

Efni og áhöld

Leiðbeiningar

Skref fyrir skref

Verkefni 1: Gerðu þitt versta (30 mín)

Þetta verkefni samanstendur af tíu örsögum um atvik eða aðstæður þar sem hatursorðræða kemur við sögu.
Verkefnið er einfalt: ræðið atvikin eða aðstæðurnar sem finna má í viðauka.
Byrjaðu á því að biðja ungmennin um að finna það versta sem væri mögulega hægt að gera í þessum aðstæðum; hvernig gætu þau gert aðstæðurnar verri, byrjað slagsmál, jafnvel slitið vina- eða ástarsamböndum. Það er hægt að nota svona ímyndaðar andstæður til margs en þessi aðferð er oft góð leið til að hefja samtalið, þar sem ungmennunum finnst hún oft auðveldari og skemmtilegri en að reyna að leysa úr aðstæðunum. Þannig er hægt að kynna erfitt umræðuefni til leiks á léttu nótunum.

Verkefni 2: Umræður og ígrundun (30 mín)

Með því að velta fyrir sér og rökræða af hverju þessar "lausnir" séu slæmar, fá ungmennin tækifæri til að spá í samskipti fólks og velta fyrir sér viðbrögðum þess við hegðun annarra. Þú skalt ekki stoppa umræðuna hér, heldur halda áfram.
Til þess að dýpka umræðuna getur verið gott að velta því einnig fyrir sér hvernig raunverulega væri hægt að leysa vel úr aðstæðunum, hvaða ráð væri hægt að veita sem myndu hjálpa. Til þess að auðvelda ungmennunum að kafa djúpt er gott að leiðbeinandinn stýri ígrunduninni með spurningum.

Spurningar til að leiða ígrundun áfram:

Er þetta hatursorðræða?
Hvert er vandamálið hér?
Myndi allt fólk bregðast eins við í þessum aðstæðum? Af hverju? Af hverju ekki?
Gæti aldur fólks haft áhrif á það hvernig það bregst við? En kyn þess? En vinsældir? Hvað annað gæti haft áhrif?
Eru sum viðbrögð röng og önnur rétt?
Gæti það gerst að enginn bregðist við? Hvers vegna?
Ef þú stæðir frammi fyrir þessum aðstæðum, hvað myndir þér finnast réttast að gera? hvers vegna?

Sögurnar eru þannig orðaðar að þátttakendur eru alltaf að leysa vandamál fyrir einhvern annan. Þannig eru þátttakendur staðsettir fyrir utan aðstæðurnar, sem getur gert það auðveldara að koma auga á lausn.

Örsögur eins og þessar eru mikið notaðar í fræðsluefni sem beinist að forvörnum gegn ofbeldi. Þau bjóða upp á það að velta fyrir sér aðstæðum sem gætu komið upp án þess að þátttakendur tengi persónulega við efnið. Markmiðið er að efla félagsfærni í erfiðum aðstæðum, að gefa ungu fólki verkfæri sem þau geta notað til þess að bregðast við, hjálpa öðrum og tryggja eigin öryggi.