SKJÖLDUR

Stutt lýsing

Leikur til að hvetja til ígrundunar um hvað það er sem setur okkur í viðkvæma stöðu og hvaða þættir geta varið okkur og hjálpað til að verja gegn mótlæti.

Markmið

Efni og áhöld

Leiðbeiningar

Skref fyrir skref

Verkefni 1: Styrkleikar og veikleikar (5 mín)

Kynntu leikinn og hugtökin sem tengjast fyrir ungmennunum.
Leggðu áherslu á að við höfum öll veikleika og við höfum öll styrkleika. Styrkleikar geta verið þekking, geta, gildi, færni. Oft getum við notað styrkleika okkar sem og forréttindi okkar sem eins konar skjöld til að hjálpa okkur að forðast eða takast á við viðkvæmar eða skaðlegar aðstæður

Verkefni 2: Skjöldurinn (35 mín)

Á fyrsta hlutann: biddu þau að teikna eitthvað sem sýnir hvernig væri hægt að takast á við það að verða fyrir hatursorðræðu, þ.e. eitthvað sem gæti látið þeim líða betur ef þau hafa nú þegar lent í hatursorðræðu. Þetta getur verið allt á milli þess að svara fyrir sig eða að klappa kettinum sínum.
Á annan hluta: biddu þau að teikna eitthvað sem sýnir hvernig þau gætu komið í veg fyrir að þetta gerist aftur. Þetta gæti t.d. verið að tala við manneskjuna sem sagði eða gerði eitthvað á þeirra hlut, segja öðrum frá því, að "blokka" á samfélagsmiðlum, biðja vini um hjálp eða hvað sem þeim finnst viðeigandi fyrir þær aðstæður sem þau hafa í huga.
Á þriðja hlutann: biddu þau að teikna eitthvað sem sýnir hvernig þau gætu notað þessar aðferðir (eða einhverjar aðrar) til þess að verja aðra fyrir því að verða fyrir hatursorðræðu.

Verkefni 3: Niðurstöður (20 mín)

Eftir að öll hafa lokið teikningum sínum skaltu biðja þau um að deila aðeins um hvað þau teiknuðu og hvers vegna
Byrjaðu á fyrsta svæðinu, hver þátttakandi ætti að útskýra og svo draga saman og ræða stuttlega eftir að allir hafa klárað.
Eftir það er farið á næsta svæði sem þeir hafa fyllt út. Þar til allir þátttakendur hafa rætt allar teikningar sínar.
Endaðu á því að taka saman það sem þið hafið rætt, og að þessar hugmyndir megi líta á sem eins konar grunn fyrir aktivisma ungs fólks.

Sum brenna fyrir því að gera mikið í aktivismamálum og vilja ná til eins margra og hægt er, á meðan öðrum finnst betra að einbeita sér að því að hafa jákvæð áhrif á sitt nærumhverfi. Að vita hvernig þú getur látið sjálfum þér líða betur þegar á móti blæs er mikilvægur hæfileiki fyrir aktivista til að koma í veg fyrir að þeir kulni. Að vita hvernig þú getur passað uppá þig sjálfa/sjálfan/sjálft er líka mikilvægt. Á meðan þú ræðir þetta ættir þú einnig að ræða það að þó það séu tl aðferðir til þess að verja sjálfan sig gegn hatursorðræðu, þá ætti fórnarlamb hatursorðræðu ekki að bera ábyrgð á því að skýla sér fyrir henni. Það er ekki raunhæft að gera ráð fyrir því að hver og einn geti komið í veg fyrir alla hatursorðræðu í þeirra garð upp á eigin spýtur.

Þess vegna er þriðji hlutinn á skildinum svona mikilvægur: af því í hvert skipti sem þú getur notað þinn styrk og þín forréttindi til að verja einhvern annan, þýðir það að sá hinn sami þarf ekki að verða fyrir hatri, eða a.m.k. ekki einn síns liðs.