SKÖPUN ÖRUGGS RÝMIS

Stutt lýsing

Til að takast á við viðkvæm málefni á borð við hatursorðræðu er mikilvægt að skapa fyrst umhverfi þar sem öll treysta sér til að taka þátt og þora að tjá sig án þess að óttast það að þau séu dæmd eða ráðist á þau. Það er kallað að skapa öruggt rými innan hópsins.

Til að ná þessu markmiði þarf ýmislegt að koma til svo innan hópsins ríki traust. Það gefur þátttakendum færi á að taka virkan þátt, virða aðra þátttakendur, stunda virka hlustiun og sem gerir að verkum að þau þora frekar að taka þátt og segja hug sinn.

Markmið

Efni og áhöld

Kröfur til leiðbeinanda

Æfingin getur reynt á þátttakendur tilfinningalega. Þess vegna er mikilvægt að leiðbeinendur séu með áætlun um hvernig má takast á við það, t.d. slökunaræfingar, skilaboð til hópsins, einstaklings spjall við þátttakendur eða aðferðir fyrir hópinn til að styðja hvert annað.

Leiðbeiningar

Skref fyrir skref

Verekfni 1: Að kynnast hvert öðru, örin mín (30 mín)

Þátttakendur og leiðbeinendur mynda hring, standa eða sitja á stólum eða koddum.
Þátttakendur skiptast á að kynna sig og segja sögu af öri sem þau bera. Ekki segja fyrirfram hvernig ör á að tala um (líkamlegt, sálrænt, nýlegt, eldra) og því er þeim frjálst að tjá sig upp að því marki sem viðkomandi líður vel með.
Leiðbeinandi þakkar þátttakendum fyrir að deila sögum sínum og hlusta á sögur hvers annars. Gott er að segja frá því að þetta krefjist mismikils af hverjum og að misjafnt sé hvar fólk vill deila hevrju, og opna þannig leið til að útskýra hvað öruggt rými er

Mörk og reglur um öruggt rými

Leiðbeinandi kynnir hugtakið öruggt rými sem umhverfi þar sem allir finna fyrir nægu öryggi til að taka þátt.
Til að skapa slíkt rými þarf að setja mörk og reglur um samskipti hópsins.
Hver þátttakandi skrifar á „post-it“ miða, þær reglur og mörk sem hann/hún/hán telur mikilvæg til að upplifa öryggi. Þeir geta skrifað eins mikið eða lítið og þeim dettur í hug. Því næst eru miðarnir límdir á stærri blöð eða upp á vegg, ýmist í flokkinn „Reglur“ eða „Mörk“.
Leiðbeinandi les síðan upp af miðunum og hópurinn ræðir út frá því hvaða reglur og mörk skulu gilda og vera virt í hópnum.
Þessar reglur og mörk má svo endurskoða ef þarf og þátttakendur geta lagt fram tillögur eftir þörfum til að gera vinnuumhverfið að öruggu rými.